LAOAG CITY – Manayonan pay dagiti agas nga in-exempt ti Bureau of Internal Revenue (BIR) iti value added tax wenno VAT.
Karaman ditoy ti cancer medicines a Degarelix ken Tremelimumab idinto nga iti diabetes ket Sitagliptin ken Linagliptin.
Para kadagiti marikrikna a sakit iti mental health, VAT-free metten ti Clomipramine Hydrochloride, Chlorpromazine, ken Midazolam.
Ti cancer ken diabetes ket maysa kadagiti sumagmamano a kangrunaan a mangitunda ti pannakatay ditoy pagilian gapu ta nangina ti agas para kadagitoy ket saan a kabaelan a gatangen dagiti marigrigat.
Inbatad ni Bureau of Internal Revenue Commissioner Romeo Lumagui Jr., agtultuloy a suportaran ti Bureau of Internal Revenue ti panangikagumaan ti gobierno a tulungan ti publiko a maaddaan ti access iti abot-kaya a makagatang ti agas.
