LAOAG CITY – Natiliw dagiti aglive-in partner iti naiyuswat nga anti-illegal drug buy-bust operation iti paset ti Barangay Pangil iti ili ti Currimao.
Ti operasyon ket naiyuswat babaen ti nagtipon a pwersa ti Philippine National Police iti ili ti Badoc ken ili ti Currimao.
Nabigbig dagiti suspek nga isuda Ernie Jay Dahilig alyas “Bursio”, agtawen ti 45, residente iti Barangay Napu iti ili ti Badoc ken ti live-in partner na a ni Joana May Modejar, taga Barangay Sta. Rita iti ili ti Paoay ngem agdama nga agnanaed iti Barangay Napu iti ili ti Badoc.
Kinemmeg a dagus dagiti otoridad dagiti aglive-in partner kalpasan a naglako da ti maysa a sachet a naglaon ti maipagarop a shabu iti nagpammarang a police poseur-buyer.
Nakumpiskar pay dagiti otoridad iti ikot ni Dahilig ti saggaysa a coin purse, glass tooter, color red lighter cricket, improvised straw idinto a naala met ken ni Mondejar ti maysa a pedaso ti genuine One Thousand Peso bill kas buy-bust money, maysa nga heat sealed transparent plastic sachet a naglaon ti maipagarop a shabu, ken maysa a white paper open sealed.
Mapatta-patta nga agdagsen ti nakumpiskar a maipagarop a shabu iti sumuruk-kumurang a maysa a gramo nga addaan ti Standard Drug Price a 7,500.00
