LAOAG CITY – Saan manen a nakapasa iti konseho ditoy ciudad ti Laoag ti appointment ni Mrs. Perlita Cabello kas mangidaulo iti City Social Welfare Development Office (CSWDO) ditoy ciudad.
Daytoy ket kalpasan nga adda dagiti kameng ti konseho a nagkedked a matratar ti resolusyon para iti pannakadutuk ni Cabello a mangidaulo iti nasao nga opisina.
Malaksid kadagiti bimmotos kontra iti resolusyon ket adda met dagiti nag-abstain.
Naamoan a ti laeng pimmabor para iti pannakatratar ti nasao a resolusyon ket da Konsehal Jastine Chua ken ni Konsehal Edison Chua idinto a dagiti nangkontra ket isuda Konsehal Derek Lao, Faye Lao ken Edison Bonoan.
Nag-abstain met da konsehal JB Baquiran, RB Ablan ken Hany Lao idinto a dagiti dadduma ket awan da iti sesyon.
