LAOAG CITY – Saan a kasapulan ti Pilipinas nga agpakada iti China iti access iti Ayungin Shoal gapu ta sakupen daytoy ti 200-mile Exclusive Economic Zone ti pagilian.
Daytoy ti inpetteng ni Philippine Navy Spokesperson for the West Philippine Sea Commodore Roy Trinidad, kas reaksion iti inrakurak ni Chinese Foreign Ministry a nasken a pakaammoan pay laeng ti Beijing dagiti suldado a Pilipino iti resupply mission sakbay a sumrek iti Ayungin Shoal.
Adda iti Ayungin ti BRP Sierra Madre nga agserserbi kas istasion dagiti suldado a Pilipino nga agbanbantay iti West Philippine Sea.
Inbatad ni Trinidad a saan a nainkalintegan ti Chinese Foreign Ministry ken saanda a bigbigen ken suruten gapu ta ti China ti trespasser iti teritorio ti Pilipinas.
Nagballaag pay ni Trinidad iti publiko nga agbalin a naridam kontra iti maipagarup a penetrasion ti China iti pakainaigan iti isyu ti ekonomia ken pulitika ti Pilipinas.
