LAOAG CITY – Natiliw ti maysa a babai a wanted person iti Brgy. 51-A Nangalisan Laoag City, Ilocos Norte.
Segun kenni Police Lt. Col. Marceliano Desamito Jr., ti suspek ket agtawen ti 27 years old, naasawaan ken residente iti nasao a barangay.
Inbatad na a kadua da ti PNP-San Nicolas ken PNP-Laoag a nangiserbi ti warrant of arrest kontra iti babai gapo iti kaso a panagtatakaw.
Ti warrant of arrest ket inparuk-at ni Hon. Presiding Judge Artemio H. Quidilla Jr, iti Br. 16 ditoy ciudad ti Laoag a napetsaan ti April 26, 2021.
Narekomendaran met daytoy ti 40 a ribo a pisos a pyansa.
