LAOAG CITY – Agtalinaed pay laeng ti bangkay ti bakasyunista a ni Christoper Cabuga, agtawen ti 37 taga Barangay 5 iti ili a San Nicolas kalpasan a pimmusay gapo iti panagtapwak na iti by-pass bridge ditoy ciudad ti Laoag.
Daytoy
ti inbatad ni Police Corporal Paul Rosete, imbestigador a nangtutok
iti nasao nga insidente basar met laeng iti desisyon ti pamilya ti
biktima.
Segun kenni Rosete, iti sumarsaruno nga aldaw ket maiyawid met laeng idiay Chicago, USA ti bangkay ni Cabuga.
Maipalagip a nagsagaba ti ado a sugat iti nagduduma a paset ti bagi ti biktima kalpasan a timmapwak gapo iti panagsina da iti asawa na isut gapuna nga agsagsagaba daytoy ti depresyon.
