LAOAG CITY – Inlawlawag ni Mr. Mc Nathaniel Espejo iti Barangay Madamba iti ili ti Dingras a saan a kameng ti pulisya ti nadangran kenkuana bayat nga adda iti istasyon ti PNP gapo iti maipagarop a panagprobokar na.
Ummuna iti daytoy, adda ti naipadanon iti Bombo Radyo a bayat nga adda iti kustudiyar ti PNP-Dingras ni Espejo ket maipagarop a kinabil ti pulis.
Segun kenni Espejo, idi sumrek iti pagbalodan ket inbatad ti maysa kadagiti balod a ni Mr. Lauro Andam a natiliw babaen iti search warrant operation nga agkanta daytoy ngem nagkedked.
Gapo iti daytoy ket maipagarop a pinabakrangan ti nasao a balod ni Espejo.
Patyen ni Espejo na a nagsagaba ti black eye gapo iti pannakaidaramudom na idi sumrek iti pagbalodan.
Desidido met ni Espejo a mangpila ti reklamo a physical injury kontra kenni Andam.
Mainaig iti daytoy, naglikudan met ni Andam a dinangran na ni Espejo gapo ta idi sumrek daytoy ket nadlaw na a nabartek ken idi tulungan na ni Espejo ket inpagarop daytoy nga isu ti gundaway a dinagran na ti maseknan.
Naamoan a ni Andam ken maysa a PWD wenno pukol ti maysa nga ima na.
Kabayatanna, naglikudan met ni Police Major Ryan Retotar a maysa a kameng ti PNP ti nangkabil kenni Espejo ken patyen na a pamerperdi laeng daytoy.
Inbatad na a nangisyu ti memorandum tapno agpalawag dagiti pulis a napan nagresponde iti maipagarop a panagprobokar ni Espejo ken basar kadagiti maseknan ket napan da laeng innala daytoy ken awan ti panagdangran a napasamak.
