LAOAG CITY – Inbatad ni District Engr. Ma Venus Torio iti Department of Public Works and Highways (DPWH) 1st Engineering District ditoy probinsya a saan da pay a nabayadan amin ti conractor ti flood control porject da iti Barangay Darupidip, Pasuquin, Ilocos Norte.
Segun kenkuana, adda pay ti agarop 10 a porsiento a saan da a nabayadan iti kontrata ti nasao a proyekto.
Inlawlawag na a saanda pay nga inted ti balanse da gapu ta adda ti nakita ti project engineer da a rumbeng a maurnus iti nasao a proyekto.
Ti proyekto ket napondoan ti nasurok a 23 milyon a pisos.
Maipalagip nga arigna dandani nadadael amin ti proyekto gapu iti iduduprak ti bagyo Ineng.
Kabayatanna, inbatad ni Torio nga agimbestigar da pay no sinurot met laeng dagiti agtagikua kadagiti dua a balay a dandanin maiteppang iti derraas gapu iti pannakadadael ti flood control project iti nadakamat a barangay dagiti pagalagadan iti panagpatakder ti balay.
