LAOAG CITY – Agtultuloy ti panagmonitor ti Bureau of Fire Protection kadagiti aglaklako ti paputok ditoy probinsya.
Inbalakad ni Fire Supt. Roxanne Parado, ti firemarshall iti Ilocos Norte kadagiti aglaklako ti paputok a masapol a suruten ti safety measures kas ti kaadda ti fire extinguisher ken drum a nakargaan ti danom kadagiti pagtagilakoan tapno adda ti dagus nga usaren no bilang adda ti mapasamak nga uram.
Inpaganetget pay ni Parado a maipawil ti aglako ti paputok iti online.
Mainaig iti daytoy, inpakaammo ni Parado a basar iti datos da ket adda ti nasurok a 50 a negosyante dagiti naikkan ti permitna nga aglako ti paputok ditoy probinsya.
Kunana a kaadoan kadagitoy ket ditoy ciudad ti Laoag nga umabot ti 15.
