LAOAG CITY – Pimmusay bayat a maag-agasan iti Mariano Marcos Memorial Hospital and Medical Center iti ciudad ti Batac ti biktima ti napasamak a degsrasya iti paset ti Barangay San Simeon iti ili ti Currimao.
Nabigbig daytoy a ni Cheryl Caluducan y Manzano, 25 awanan ti asawa, ken residente iti Barangay Matagisi, Pudtol, Apayao.
Iti imbestigasyon dagiti kameng ti PNP-Currimao, bayat nga agpapaamyanan a direksyon ti biktima ket maipagarop a napukaw ti kontrol na iti manibela.
Segun kenni Police Captain Michael Permison, chief of police ti PNP-Currimao, napataray ti biktima bayat nga agiturturong ti motorsiklo rason ti desgrasya.
Gapo iti daytoy, naitama ti biktima iti dua a konkreto a poste nga adda iti akin-kannawan a shoulder ti nasao a kalsada.
Naamoan nga idi nagresponde dagiti otoridad ket awan ti puot na ken dagus a naitaray iti ospital ngem kalpasan ti sumagmamano nga oras ket pimmusay met laeng gapo ta nadaraan ti utek na.
