LAOAG CITY – Saan nga agpangadua ti Bureau of Internal Revenue (BIR) nga ipaserra dagiti online sellers a saan a sumursurot kadagiti pagannurotan.
Inbatad ni Bureau of Internal Revenue Commissioner Romeo Lumagui Jr. a rumbeng laeng a sumurot dagiti online sellers iti registration ken tax remittance rules-da.
Binallaaganna dagitoy a suspensoanda dagiti operasion dagiti online stores nga adda iti babaen ti Online Kandado program-da.
Inpetteng nga awan ti pilpilienda, bassit man wenno dakkel nga online stores no naglabsing ket dagusda nga ipaserra.
