LAOAG CITY – Nakaawat ti maysa a British National a residente ditoy siudad ti Laoag ti maipagarup a bomb threat.
Ti biktima ket maysa a lalaki, agtawen ti 70 ken naasawaan.
Basar iti Laoag City Police Station, adda ti nakita ti maysa a barangay tanod a nakulpi a puraw a bond paper a naikabil iti alad ti pagtaengan ti biktima no sadinno a kabayatan ti panangbasana iti nakailanad iti surat ti papel ket agpangpangta iti biktima.
Gapu iti daytoy, insigida nga inpakaammona daytoy a banag kadagiti barangay officials ken naited ti surat kadagiti karruba ti biktima.
Mainaig iti daytoy, apaman a simmangpet ti biktima kaduana ti asawana manipud iti simbaan ket inyawat ti karrubada ti nasao a surat kadakuada.
Nangiwayat ti paneling ti Ilocos Norte Provincial Explosive Ordinance Disposal and Canine Unit iti nasao a pagtaengan ti biktima no sadinno nga awan ti nakita a bomba wenno aniaman a klase ti pagpabettak iti balay pakairamanan ti aglawlaw daytoy.
