LAOAG CITY – Patien ni Bureau of Internal Revenue (BIR) Commissioner Romeo Lumagui a malab-awan ita a tawen ti 2024 collection target.
Basar iti historic achievement, nagun-od ti Bureau of Internal Revenue ti targetda iti Emerging Goal para iti 2024 nga inkeddeng ti Development Budget Coordination Committee (DBCC) nga agdagup iti Php2.848 trillion.
Inpaganetget ni Lumagui nga iti nasurok a 20 a tawen, nagtrabaho a naimbag ti ahensia tapno magun-od ti collection target ti Development Budget Coordination Committee ket idi laeng 2024 ket nagun-od daytoy ti ahensya.
Innayon ni Lumagui a nupay maproseso pay laeng ti maudi a resulta, pinasingkedan ti Bureau of Internal Revenue a posible a magun-od ti Php 2.848 trillion a target.
