LAOAG CITY – Agsagsaganan ti City Tourism Office para iti maika-60 a tawen a Charter Day ditoy siudad ti Laoag.
Segun ken ni Atty. Charito Malicad, mangidadaulo iti nasao a pangopisinaan a naruay dagiti aktibidad a maisayangkat kabayatan ti nasao a selebrasion.
Inbatadna a karaman iti selebrasion ti pannakaitampok ti “marunggay festival” pakairamanan ti “pride month.”
Malaksid iti daytoy, kunana a ditoy pay a mabigbig dagiti top tax payers ken ti Most Outstanding Laoageñous tapno maipakita dagiti pakaidaydaywan iti tunggal maysa.
Kabayatanna, naammoan a malaksid iti Charter Day Anniversary ket maselebraran pay ita a bulan ditoy siudad ti Laoag ti maikapat a tawen ti marunggay festival.
