LAOAG CITY – Nagyaman ni Mrs. Mary Jane Leaño, mangidadaulo ti City Tourism Office ditoy ciudad ti Laoag iti Ilocos Norte Electric Cooperative (INEC) gapu iti alisto a panangisubli da ti supply ti kuryente kalpasan a nagpukaw kabayatan ti pannakaisayangkat ti Mr. Laoag 2026 iti Centennial Arena.
Kuna na nga adda latta dagiti saan a mapakpakadaan a pasamak kabayatan ti selebrasyon ti Pamulinawen Festival ditoy ciudad ti Laoag kas iti napasamak kabayatan ti Mr. Laoag 2026.
Inlawlawag ni Leaño a napasamak ti apagapaman a panagpukaw ti kuryente kabayatan ti nasao a programa kalpasan iti pannakaapektar ti linya ti kuryente gapu iti natukkol a kayo.
Nupay kasta, nagyaman ni Leaño kadagiti kameng ti kooperatiba gapu iti alisto a panagtrabaho da isut gapuna a naisubli metlaeng a dagus ti suplay ti kuryente.
