LAOAG CITY – Ibilang ni Atty. Joel Gines, Commission on Elections (COMELEC) Supervisor ditoy probinsia ti Ilocos Norte a generally peaceful iti las-ud ti walo nga aldaw a panagipila ti Certificate of Candidacy para iti 2025 Midterm Elections.
Segun kenkuana, maibilang a natalna ti monitoring a naisayangkat kadagiti nagduduma a munisipyo ken siudad ditoy probinsia agsipud ta awan ti nagbalin a parikut kabayatan ti panagipila dagiti kandidato iti COC-da.
Kunana nga inton bigat ket masapol a makumpleto aminen iti listaan dagiti kandidato manipud kadagiti nagduduma nga ili ken ciudad.
Mainaig iti daytoy, agturong ti opsinada inton bigat ti Oktubre 9 iti national COMELEC office tapnu i-report dagiti listaan dagiti agkandidato para iti eleksion.
Innayonna, ita nga aldaw ket kasapulan a makompleto ti listaan dagiti nangipila iti kandidatura manipud iti nagduduma nga ili ken siudad no sadinno ket agturongda iti national office iti Commission on Elections tapnu ipasa ti nadakamat a listaan .
Kabayatanna nagyaman ni Atty. Gines, kangrunaan iti biang ti Philippine National Police gapu iti agtultuloy iti agtultuloy a suportada kabayatan ti pannakaipila ti Certificate of Candidacy.
