LAOAG CITY – Nagballaag ti Department of Agriculture kadagiti retailers a liklikan ti agpangato ti presyo dagiti Noche Buena food items iti nalablabaes ngem 10%.
Inpetteng ti Department of Agriculture a ti nalabes a panagipangato ti presyo dagiti Noche Buena food ingredients kas ti karne, nateng wenno manok ket maikonsiderar kas profiteering, wenno unethical practices tapno dakkel ti mapastrek.
Ti Profiteering ket mabalin a mapatawan ti multa a P5,000 agingga iti P2 million.
Kabayatanna, inpakaammo ni Department of Agriculture Assistant Secretary Jennilyn Guevarra a ti Noche Buena food ingredients ket nalaklaka ti P10 agingga iti P15 kadagiti Kadiwa stores iti intero a pagilian.
Segun ken ni Guevarra, adda ti 740 a Kadiwa stores ti agop-operar iti intero a pagilian.
