Ginutigot ti Department of Health ti publiko a mangaramid kadagiti addang tapno maliklikan ti sakit a Dengue iti panawen ti panagtutudo.
Karaman kadagiti inrekomendar ti ahensia ket ti panangikkat kadagiti pagit-itlogan dagiti lamok nga addaan ti dengue.
Segun ken ni Health Secretary Teodoro Herbosa, nasaysayaat no maikkat nga insigida dagiti pagumokan ti lamok tapno mailiklik ti salun-at iti aniaman a risgo.
Inpakaammo pay ti ahensya dagiti sumagmamano a wagas kontra dengue, panagisuot iti atiddog ti jacket ken pantalon no agdalos kadagiti nasusulinek a lugar, panagusar kadagiti mosquito-repellent lotion ken spray, pakairamananti panag-fogging.
Malaksid iti daytoy ket nagpalagip ti Department of Health nga agridam iti aniaman a sintomas ti dengue kas iti gurigor, sakit ti ulo, sakit dagiti piskel ken susu-op, panagulaw, skin rashes.
