LAOAG CITY – Imbestigaran ti Department of the Interior and Local Government (DILG) ti saan nga umno a panagresponde ti emergency 911 idiay siudad ti Taguig.
Namunganay daytoy a reklamo kalpasan ti panagtawag ti maysa a lalaki ti emergency 911 gapu ta kasapulan ti tulong ti amana.
Nupay kasta, natay ti amana gapu iti kinakurang ti kagamitan ti nagresponde nga ambulansia.
Segun ken ni Department of the Interior and Local Government (DILG) Secretary Jonvic Remulla, nakisarita daytoy ken ni Director Francis Fajardo ti Department of the Interior and Local Government (DILG) Emergency Call no sadinno a naawat ti tawag ti alas-12:15 ti aldaw idi Sabado, Agosto 15.
Naammoan a ti agtawen ti 71 a lalaki ket residente ti Maharlika Village, Taguig a nakapasar ti mild stroke ken kasapulan ti ambulansia.
Inpakaammo ti tawag iti Taguig Command Center iti alas 12:17 ti aldaw nga inkarida ti alisto a panagresponde ti ambulansia.
Saan a nakaawat ti kumpirmasion ti Department of the Interior and Local Government (DILG) no nakapatulodda dagiti ambulansia iti lugar.
Kuna ni Remulla a basar ti kangrunaan a damag a mabalin a maaddaan ti problema iti panagiggem ti kaso kadagiti naka-duty.
Kabayatanna, kinumpirmaran ti Department of the Interior and Local Government (DILG) nga imbestigaranda ti insidente kalpasan a naammoan nga umabot ti agarup 10 a minuto sakbay a sinungbatan ti 911 emergency call.
