LAOAG CITY – Agtultuloy ti panangbirbiruk dagiti kameng ti Philippine Coastguard ken Municipal Disaster Risk Reduction and Management Council (MDRRMC) kadagiti dua a mangngalap a nagpukaw kabayatan ti panagkalap da iti baybay iti ili ti Burgos.
Nabigbig dagitoy nga isuda Ryan Quintos ken ni Ruben Tinaza, agpada a residente iti Barangay Ablan iti nasao nga ili.
Segun ken ni Barangay Chairman Cerelino Abad iti Barangay Ablan, nagturong iti baybay dagiti nasao a mangngalap itay parbangon babaen ti panaglugan da ti maysa a bilog nga agmaris ti berde tapno mapan da agkalap.
Nupay kasta, rumrumuar a napattog ti nagluganan a bilog dagiti mangngalap ken agpapan ita ket saan pay nga ammo ti ayan da.
Mangnamnama ti kapitan a mabirukan a sibibiag dagiti dua a mangngalap kangrunaan na ket dagitoy ket agpada a pamilyado.
