LAOAG CITY – Kinumpirmaran ni Police Capt. Chris Anthony Sorsano, ti chief of police iti ili a Solsona nga addan dagiti persons of interest da mainaig ti napasamak a panagtatakaw iti balay a pagnanaedan dagiti dua a misyonaryo iti Barangay Juan iti nasao nga ili.
Nabigbig dagiti dua a misyonaryo a da Ron Joseph Corachea, agtawen ti 24, taga Rosario, Batangas ken ni Emerson Kan, agtawen ti 20, taga Agonoy, Bulacan.
Segun ken ni Sorsano, naitaray dagiti mannanakaw ti 8,500 ribo a pisos ken ni Kan idinto a 12 ribo a pisos ken ni Corachea.
Inbatad na a possible a nagna dagiti mannanakaw iti tawa gapu ta saan a nakalock ken madlaw a naguk-ugak dagiti suspek gapu ta nakawarwara ti kwarto dagiti biktima.
Innayon na nga agtultuloy ti naiget nga imbestigasyon da kadagiti pito nga indibidual nga atapen da a responsable iti nasao a napasamak.
