LAOAG CITY – Natiliw ditoy ciudad ti Laoag dagita dua a wanted person iti probinsya ti Cagayan.
Nabigbig daytoy a ni Helen Guerrero, agtawen ti 70, naasawaan, ken ni Pirmo Simbe, agtawen ti 66, naasawaan ken agpada a residente iti Barangay 4 ditoy ciudad.
Segun kenni Police Lt. Col. Rafael Lero, chief of police ti PNP-Laoag, natiliw dagitoy babaen iti bileg ti warrant of arrest gapo iti kaso da a falsification of public documents.
Ti warrant of arrest ket inparuk-at ni Hon. Judge Glenda Colomna Dupaya iti MCTC Gonzaga-Sta Risa iti probinsya ti Cagayan.
Narekomendaran met daytoy ti pyansa a 18 a ribo a pisos.
