LAOAG CITY – Inlawlawag ni Engr. Cynthia Iglesia iti DOST-Pagasa ditoy ciudad ti Laoag no apay a napudot pay laeng ti panawen ita a bulan ti Disyembre.
Inbatad na a napigpigsa ti easterlies a mangapektar ti aglawlaw ngem ti angin amian.
Segun kenkuana, ti pul-oy ti angin ket aggapo iti pacific ocean isut gapuna a nagtalinaed a nabara ti panawen.
Nupay kasta, inbatad ni Iglesia a manamnama a mapasaran ti nalamiis a panawen kadagiti sumarsaruno nga aldaw gapu iti angin amian.
