LAOAG CITY – Inpakaammo ni Senador Risa Hontiveros nga iti babaen ti inbestigasyon ti National Bureau of Investigation (NBI) ket naduktalan da nga agpada ti fingerprint ni suspended Bamban, Tarlac Mayor Alice Guo ken ti Chinese a ni Guo Hua Ping.
Segun ken ni Hontiveros, ti fingerprint da Mayor Guo ken Guo Hua Ping ket maymaysa.
Inbatad na a daytoy ket mangpasingked pay a pudno ti suspetsa na a peke ti personalidad ken nationalista ni Mayor Alice Guo.
Innayon pay ni Hontiveros a dakkel nga insulto daytoy kadagiti botante ti Bamban, iti institusion ti gobierno ken iti tunggal umili a Pilipino.
Kabayatanna, agtalek met ti manmanday linteg a daytoy ti kadagsenan nga ebidensia tapno mapaksiat ni Mayor Alice iti puestona.
Immuna iti daytoy ket natakuatan pay nga adda nagan ni Guo Hua Ping iti Special Investors Resident Visa (SIRV) application ni Lin Wenyi, maysa met a Chinese national ken mapap-papati a biological mother ni Mayor Guo.
