LAOAG CITY – Nangrugin ti expanded First 1,000 Days (F1KD) cash grant package ti Department of Social Welfare and Development (DSWD) a nangpangato ti binolan a benepisyo dagiti kwalipikado a benepisyaryo ti Pantawid Pamilyang Pilipino Program (4Ps) manipod P350 nagbalin a P750.
Iti enhanced grant, a naipatungpal iti babaen ti Memorandum Circular No. 10, Series of 2026, naipatungpal daytoy nangrugi idi Hulyo 9 ken gagem na a papigsaen ti suporta iti maternal ken child health, ken nutrisyon iti kritikal nga umuna a 1,000 nga aldaw ti biag ti maysa nga ubing.
Sakopen ti rollout ti 5,536 newly qualified F1KD beneficiaries, a makaawat ti naipangato a binolan a grant a P750 para iti Pay Period 3 (May–June 2026).
Ti agdama nga F1KD beneficiaries ket mangrugi metten nga agawat ti nangatngato a grant iti kapada a pay period iti babaen ti phased implementation ti programa.
Segun iti DSWD, nasurok a 180,000 qualified beneficiaries iti intero a pagilian ti namnamaen a mairanud iti expanded cash grant package ita a tawen.
Maiparuk-at daytoy iti Land Bank of the Philippines cash cards wenno registered e-wallet accounts ti benepisyaryo.
Ti F1KD cash grant ket mangipaay ti supplemental financial assistance iti eligible 4Ps households tapno makatulong a maipaayan ti health ken nutrition needs dagiti masikog a babbai ken anak na, manipod iti panagsikog agingga iti agtawen ton ti dua wenno ti panawen a maikonsiderar a napateg para iti physical growth, brain development ken overall well-being.
