LAOAG CITY – Inlungalong ni Cavite First District Representative Jolo Revilla ti pannakaisardengen ti “endo” wenno end-of-contract gapu ta saan daytoy a nainkalintegan kadagiti mangmangged.
Ti inpila ni Revilla ket ti House Bill Number 79 wenno ti gakat a Security of Tenure Act a naan-anay iti pannakaipawil iti labor-only contracting ken ipasardeng ti end-of-contract schemes.
Iti babaen ti gakat ni Revilla, amin a klase ti trabaho ket nasken nga i-classify kas regular a posision ket pabor kadagiti karebbengan dagiti mangmangged iti regular employment, job security ken long-term benefits.
Inpetteng ni Revilla ti inlungalongna a gakat ket saan nga anti-business no diket pro-worker ken pro-growth.
Innayonna a ti panangipasigurado ti patas a panangtrato kadagiti mangmangged ket maysa a wagas tapno agbalin a napudno, produktibo ken addaan ti kabaelan a tumulong iti panagdur-as ti ekonomia ti pagilian.
