LAOAG CITY – Bigbigbigen ti gobierno lokal ti dakkel nga akem dagiti agtutubo gapu ta isuda ti masangwanan ditoy ciudad ti Laoag.
Daytoy ti inbatad ni Mayor James Bryan Alcid kalpasan ti panagsapata dagiti sumagmamano nga estudyante a nagtakem kas junior officials iti gobierno lokal ditoy ciudad kas paset paylaeng ti selebrasyon ti Pamulinawen Festival 2026.
Inrakurak ti mayor a babaen iti maysa a resolusyon ket maikkan ti gundaway dagiti estudyante nga agbalin kas junior local officials wenno agakem kas department head iti gobierno lokal ditoy ciudad.
Inpakaammo ti mayor a nangrugi a nagtakem dagiti nasao nga estudyante idi Pebrero 16 ken agpatingga dagitoy intono bigat, hwebes, Pebrero 19 ita a tawen.
Agserserbi kas junior officials iti city government dagiti sumaganad:
Mayor: Lei-V Mabini
Vice-Mayor : Princess Anne Galiza
COUNCILORS
Gaverell Terenz Bartolome
Jhon Clifford Adisas
Kristina Gabrielle Francisco
Aaron Duane Santos
Mary Grace Batuyong
Athena Daniella Zephyr
Starry Christi Sampayan
Florianne Felix
Lebron James Corpuz
Dana Mae Gambalan
Matt Brylle Rhodneil Cariño
Princess Emriche Jhoye Carag
Babaen iti agbalin a kapadasan dagiti maseknan nga estudyante ket maipasagepsep kadakuada iti anag ken kinapateg ti public service.
