LAOAG CITY – Naiyuswat ti panagtataripnong da Gov. Matthew Marcos Manotoc kaduana dagiti sumagmamano a mangidadaulo iti pangopisinaan kas ti Provincial Disaster Risk Reduction and Management Office, Provincial Communications and Media Office, Provincial Social Welfare and Development ken Office of the Barangay Affairs.
Babaen iti daytoy, napagnunumoanda dagiti nasken nga addang nga aramidenda kas ti pannakaisayangkat ti relief operations para kadagiti naapektaran ti Bagyo Julian.
Naaammoan a nagatendar pay iti nasao a taripnong ti Philippine Army, Philippine Coast Guard ken Philippine Marines.
Mainaig iti daytoy, segun ken ni Mr. Gervy James Gumarit, mangidadaulo ti Provincial Communications and Media Office nga adda ti 384,321,717 a pisos a balor ti nadadael iti benneg iti imprastraktura idinto agrikultura no sadinno nga adda ti pakabuklan a 471,076,885.
Inlawlawagna a gapu ta naideklara iti intero a probinsia ti Ilocos Norte nga State of Calamity ket adda ti 109.88M ti maiparuk-at a Calamity Fund no sadinno 70% ditoy ket para iti preparedness, prevention, mitigation, rehabilitation ken recovery idinto a ti 30% ket para iti quick response.
