LAOAG CITY – Inpakaammo ni Mrs. Mary Jane Leaño, mangidadaulo ti Communications and Media Office ditoy siudad ti Laoag nga adda ti pannakabalbaliwna ti Grand Float Parade Competition para iti Pamulinawen Festival ita a tawen.
Segun kenkuana, dua a kategoria daytoy iti big and small float category nga adda ti specific design-na tapno napinpintas iti buyana met laeng daytoy.
Inbatadna a ti kangrunaan a mai-feature iti big floats ket dagiti ilokano songs a kasapulan a maiyaplikar dagitoy iti panagdekorarda kadagiti floats.
Inlawlawagna nga adda latta met dagiti gagangay a maris wenno native color tapno agbalin a relevant dagiti floats.
Kunana a dagiti small float ket sun wenno sunshine met iti agbalin a tema tapno napintas iti dimension wenno kitana met laeng dagitoy.
Innayonna a babaen iti daytoy ket maitampok ti kultura iti tunggal Laoageño.
