LAOAG CITY – Nagballaag ti National Tobacco Administration (NTA) nga agpegpeggad ti pagsapulan ti sumurok 2.2 milyon a tobacco farmers, mangmangged ken dagiti pamiliada gapu iti agtultuloy a panagraira ti ilegal a negosio ti sigarilyo iti pagilian.
Basar iti National Tobacco Administration, saan laeng a birok ti gobierno ti maapektaran dagiti smuggled ken saan a maik-ikkan ti buis a sigarilyo no diket pakairamanan dagiti komunidad a mangnamnama iti industria ti tabako para iti pagsapulanda.
Inbatad dagiti opisial a mapatta-patta a 40 billion agingga P52 billion iti kada tawen ti mapukpukaw a birok ti gobierno gapu iti ilegal a sigarilyo.
Daytoy a pundo ket mabalin a mausar para kadagiti serbisio publiko, imprastraktura ken dadduma pay.
Nagpanawagan dagiti nakipaset iti summit ti naig-iget a koordinasion iti nagbaetan dagiti ahensia ti gobierno kas ti Bureau of Customs, Bureau of Internal Revenue, Philippine National Police, Department of Justice ken dagiti lokal a gobierno tapno masolbar ti smuggling ken dadduma pay nga ilegal nga aramid.
