LAOAG CITY – Inpanamnama ti Ilocos Norte Police Provincial Office Provincial Director P/Col Frederick Obar ti agtultuloy a pannakikoordinarda iti Department of Education ti probinsia ken iti panangpartuat kadagiti aktibidad a makatulong kadagiti agad-adal kabayatan iti naiwayat nga Inter-Agency Interface ti nadakamat nga ahensia.
Segun kenkuana, agdagup iti 8 a fortified key initiatives a nakaipalaon iti toured wenno gagem ti Department of Education ditoy probinsia ita a school year ti panangipaay titulong a mapagtalinaed ti kinatalged kadagiti pagadalan.
Inbatadna nga apaman a naglukat ti klase ket adda dagiti naideploy a kameng ti Philippine National Police kadagiti pagadalan ditpy porbinsiya tapno maliklikan dagiti saan a napintas a pasamak kas iti bullying ken panagkikinabil dagiti ubbing.
Manaig iti daytoy, maipanggep iti gagem ti Department of Education ti School Health and Wellness program ket adda ti mawaywayat a feeding program babaen kadagiti maipapaay a food packs iti manipud kadagiti nagduduma a donors.
Kabayatanna, inlawlawagna a mainaig met iti Community Immersion and Environmental Engagement ket adda dagiti tree planting activities nga araramidenda babaen iti pannakibinnulig kadagiti nagduduma nga komunidad.
