LAOAG CITY – Dimmepensa ti Israel iti inwayatda nga airstrike idiay Beirut, Lebanon.
Ti nasao a napasamak ket maibilang a kadakkelan nga airstrike no sadinno a target-da ti headquarters ti Hezbollah.
Gapu iti daytoy, naammoan nga innem a pasdek ti nadadael a nakatayan ti dua nga indibidual ken nakasugatan ti agarup 80 a tattao.
Inlawlawag ni Israel Defense Forces Spokesperson RAdm. Daniel Hagar nga inaramidda ti airstrike tapno naan-anayen a maatiw ti Hezbollah ken ti nakappia a panagbiag dagiti umili.
