LAOAG CITY – Maysa a grupo dagiti estudiante iti Pisa, Italy ti nakairekord manen ti baro a Guinness World Record para iti kadakkelan nga eroplanong papel iti intero a lubong.
Nabukel daytoy manipud iti piraso ti papel ken sumagmamano a litrato ti nakaipegket, daytoy ket addaan kaatiddog a 7 a metro, wingspan a 20.04 a metro, ken kadagsen a 28.49 a kilos.
Tapno magun-od ti Guinness World Record, kasapulan daytoy a patayaben ti maysa laeng a tao ken pagtalinaeden iti tangatang iti kaadayo ken saan a bumaba iti 15 a metro. Nupay saan a nalaka a mangngeg, daytoy ket immabot ti sumagmamano a bulan a naawagan “Icarus” tapno maadal, ti balanse, kinatibker, kinadagsen, ken aerodynamics-na.
Umabot iti 300 a kilos ti papel ken 60 a kilo ti kula ti nausar ti grupo iti uneg ti sumagmamano a bulan ti trial and error tapno maala iti umno a disenyo. Nagdesision dagitoy nga agusar ti honeycomb-shaped a modelo tapno adadda a tumibker ken saan a nadagsen unay ti eroplano.
