LAOAG CITY – Natay ti maysa a lalaki kalpasan a nagbekkel iti Barangay 18, Sto. Cristo iti ili ti Bacarra.
Segun ken ni Police Major Dionisio Badilio, ti chief of police iti ili ti Bacarra, ti biktima ket agtawen ti 26, karpintero, addaan ti live-in partner, ken residente met laeng iti nadakamat a barangay.
Inbaga na a mismo a ti pamilya na ti nagreport iti PNP-Bacarra tapno ipakaammo ti panagpakamatay ti biktima iti uneg a mismo ti kwarto da iti live-in partner na babaen iti panagusar na ti tali.
Iti inisyal nga imbestigasyon, kadagiti naglabas nga aldaw ket nagrirriri dagiti aglive-in partner iti saan a masinunuo a raso agingga nga itay bigat ket nakita laengen a nakabitin ti biktima iti uneg ti kwarto da.
Inbaga ni Baldilio a nagawid ditoy ciudad ti Laoag ti live-in partner ti biktima idi napasamak ti nasao a krimen.
