LAOAG CITY – Manarimaan ti pannakaiproseso ti kaso a naipila kontra iti maysa a pastor, agtawen ti 54 kalpasan ti maipagarop a panangrames na iti apoko na a menor de edad, agtawen ti 14 iti ili ti Sarrat.
Daytoy ti kinumpirmaran ni Police Capt Reycar Almazan, ti chief of police iti nadakamat nga ili.
Segun ken ni Almazan, napasamak ti insidente iti napalabas a tawen ken ti napan nagreport iti opisina da ket mismo a ti biktima ken kinuyog ti ikitna.
Naamoan a basar iti impormasyon ket napan nagtrabaho iti ballasiw taaw ti ina ti menor de edad ken inbati na ti anakna iti balay ti nasao a pastor a nasinged a kabagyan da.
Inbatad ni Almazan a basar iti palawag ti biktima ket napasamak ti maipagarop a panangrames kenkuana ti nasao a pastor iti napalabas a tawen.
