Pinaneknekan ti maysa a lalaki idiay Japan a posible ti maaddaan ti income iti panagpangan ti instant noodles inaldaw-aldaw iti uneg ti tallo a dekada.
Mainaig iti daytoy, ni Sokusekisai Oyama, wenno amammo kas Instant Ramen King, ket nagsardeng iti pagubraanna kas maysa nga illustrator tapno agbalin a professional cup noodle critic.
Iti tawenna a 65, nasurok 10,000 cups ti noodles ti kaya na a kanen ken agkolkolektar daytoy iti nasurok 6,000 instant ramen packaging.
Nagbalin a nalatak ni Oyama idi 1995 kalpasan a nangabak iti Instant Noodle Championship idiay Tokyo, maysa a kompetisyon a mangsubok iti kinalaing a mangkritikar iti instant ramen.
Gapu iti daytoy, masansan a maiimimbitaran ni Oyama kadagiti nagduduma nga events ken shows.
