LAOAG CITY – Agtultuloy ti panagsagsagana ti city government ti agbalin a pabuyada iti Tan-ok Festival inton Pebrero 28.
Segun ken ni Mrs. Mary Jane Leaño, Officer In Charge ti City Tourism Office ditoy siudad ti Laoag, iti baet nga adu ti pakakumikumanda iti pannakaisagana dagiti programa para iti Pamulinawen Festival ket saanda a baybay-an ti panagsagsaganada iti nasao a naindaklan nga aktibidad ditoy probinsia.
Inbatadna a makitada ti gagar dagiti mangbukbukel ti team Laoag a daytoy ti mangipapaay met ti motibasion kadakuada tapno agtultuloy nga ipaayda amin a kasapulanda para iti napinpintas nga ipabuyada.
Kunana a daytoy ket maibilang kas comeback performance-da isu a namnamaen ti publiko a napintas ti maipabuya ditoy siudad ti Laoag.
