LAOAG CITY – Agtultuloy ti pannakaipaay ti tulong ken benepisyo kadagiti maibilang a nakukurapay ditoy ciudad ti Laoag.
Daytoy ti inbatad ni Mrs. Perlita Cabello, ti mangidadaulo iti City Social Welfare and Development ditoy ciudad ti Laoag.
Kuna na nga adda ti sumuruk-kumurang nga 400 a residente ditoy ciudad ti Laoag nga agtawen ti 80 agpangato ti nakaawat ti cash incentives babaen ti Milestone Awards Program ti gobierno lokal.
Inpakaammo na a karaman pay a naipaayan ti tulong pinansyal ket dagiti pamilya a naapektaran ti alipogpog iti Barangay Caaoacan ken Balacad iti kallabes.
Innayon na nga ada pay dagiti nagduduma a tulong babaen ti Assistance to Individuals in Crisis Situations a maysa kadagiti programan ti Department of Social Welfare and Development.
Segun kenni Cabello, kalikagum ti gobierno lokal a tunggal residente ditoy ciudad ket marikna ken masagrap da dagiti tulong manipod iti gobierno.
