LAOAG CITY – Kalikagum ti lokal a gobierno iti ili ti Pinili a mangipatungpal ti wagyu production wenno panagtaraken ti baka nga adda ti breed-na.
Segun ken ni Vice Mayor Maynard Francis Bumanglag a plano daytoy ni Mayor Rommel Labasan a maaddaan ti wagyu production iti ili ti Pinili.
Inbatadna a daytoy ti maysa kadagiti kangrunaan a planplanoenda gapu ta napintas ti nasao a proyekto.
Inlawlawagna a ti gagemda a maibunong kadagiti umili ket saan laeng a dagiti gagangay a baka no diket first class nga adda breed-na a baka.
Kunana nga iti kallabes ket bimmisita ni dati a Department of Agriculture Secretary ken ti Department of Agriculture Adviser Emmanuel Piñol no sadinno a ditoy a napagsaritaanda daytoy a banag.
Innayonna a no agballigi daytoy a proyekto ket mangaladanto ti eksperto a pagpatulunganda no kasano a matagiben ken mapadakkel dagitoy a nasayaat.
