LAOAG CITY – Kinumpirmara ni Mr. Victor Paul Icuspit, dealer ti motorsiklo idiay Batac City nga inbilin kenkuana ti Land Transportation Office (LTO) nga ag-public apology iti inaramid na.
Daytoy ket kalpasan nga inedit ni Icuspit ti ladawan na iti lisensya na manipod LTO ken inpost na iti facebook account na.
Makita iti ladawan ni Icuspit a dimmakkel ti rupa na ken inikkan na ti caption nga “alisto ti panangproseso ti LTO ngem sayaaten da kuma ti camera da”.
Kalpasan laeng ti maysa nga oras ken umaboten ti tallo ribo dagiti nangi-share iti post ni Icuspit.
Inadmitir ni Icuspit nga inusar na ti maysa nga application tapno dumakkel ti rupa na.
Gapu ti daytoy, pinagreport ti LTO ni Icuspit tapno agpalawag ken inbilin da ti panagpublic-apolody na.
Innayon na a nakadanunen ti inaramid na iti Central Office ti LTO ken iyur-uray da ti agbalin nga aksyon ti nasao nga opisina.
