LAOAG CITY – Naiget a kinondenar ti Malacañang dagiti insidente ti bullying kadagiti pagadalan iti kallabes a karaman ti sumagmamano nga agad-adal.
Segun ken ni Palace Press Officer Claire Castro, manarimaanen ti panangimbestigar ti Department of Education ken kinasaritada dagiti maseknan a Principal dagiti pagadalan a karaman iti daytoy tapno maammoan ti sibubukel a detalye ken maresolbar ti insidente.
Inbatadna a nagturong metten dagiti social workers ti Department of Social Welfare and Development dagiti karaman a pagadalan tapno maipaayan ti kasapulan a tulong dagiti estudiante.
Daytoy ti nagbalin a sungbat ti Palasyo kalpasan nga inrakurak ni Sen. Sherwin Gatchalian a mibilang a senyal ti krisis dagiti dinsidente iti kallabes ti bullying ken pannakatay ti sumagmamano nga estudiante gapu kadagiti insidente ti kinaranggas kadagiti pagadalan.
Naammoan a pakairamanan ditoy ti dua a senior high school students idiay Las Piñas kalpasan a binagkong ti kapadana nga estudiante kasta pay ti panangbagkong t maysa a lalaki nga estudiante iti kaklasena a babai idiay Parañaque.
Immunan a kinondenar iti panagdengngeg ti Senado ti viral video ti maysa nga estudiante a pinagkakaduaan a dangran dagiti kaklasena.
