LAOAG CITY – Silulukat ti Malacañang a mangipaay ti proteksyon kadagiti agasawa a Sarah ken Curlee Discaya kalpasan nga inbutaktak da a sumagmamano nga agpanpanday linteg ti maipagarop a karaman iti maanomalya a flood control projects.
Daytoy ti nagbalin a sungabt ni Palace Press Officer Undersecretary Atty. Claire Castro kabayatan ti press briefing idiay Cambodia.
Nupay kasta, kuna ni Castro a masapol nga ibutaktak dagiti agasawa a Discaya ti sibubukel nga istorya ken saan nga agbalin a “selective” iti panagaramid kadagiti alegasyon.
Inrakurak pay ni Castro nga inbatad ni Presidente Ferdinand ”Bongbong” Marcos Jr. a kalikagom na ti naan-anay nga imbestigasyon iti isyu, ken saanna a kayat ti agibbat ti nagan nga awan ti kongreto nga ebidensya.
