LAOAG CITY – Napadayawan kas “Ulirang Guro sa Filipino 2019” iti “Gawad Ulirang Guro 2019” ni Doctor Maria. Eliza Lopez, mangisursuro iti Mariano Marcos State University (MMSU) ditoy ciudad ti Laoag.
Naited ti nasao a pammadayaw kabayatan ti panangselebrar ti Komisyon sa Wikang Filipino (KWF) ti National Teachers Month (NTM) a naangay iti National Museum of Fine Arts idiay Maynila.
Segun ken ni Lopez, saanna a ninamnama a mapadayawan daytoy gapu ta ti kaado dagiti kasapulan nga ited ken isagana da a requirements kas iti panagaramid da ti ado a research papers ken iti kaado a nagpilian da nga umabot iti 139 dagiti nainuminar.
Ibilang ni Lopez a nakagasgasat gapu ta maysa isuna kadagiti napili a pakaitedan ti nasao a pammadayaw ken mamati a gapu iti kina-dedikasyon na iti panangisuro na ti pambansang wika a Filipino ti maysa kadagiti nakapilyan na.
Innayon na nga isuna laeng ti kakaisuna a napili kas “ulirang guro” ditoy Region 1.
