LAOAG CITY – Inpakammo ni Mayor James Bryan Alcid a saan da a nagnayon iti Street sweepers tapno agdalus iti aglawlaw ditoy ciudad ti Laoag no diket minandar na laeng dagitoy nga agtrabaho.
Daytoy ti nagbalin a sungbat ti Mayor kalpasan a maobserbaran da a naruay dagiti tumultulong nga agdaldalos iti aglawlaw ditoy ciudad.
Segun kenni Alcid, saan a kasapolan a nayunan da dagiti street sweepers no diket kasapolan laeng a mamandar nga agtrabaho pakairaman dagiti amin a pagopisinaan iti lokal a gobierno ditoy ciudad
Kunana a ti ar-aramiden da ket saan laeng a panangpapontas iti ciudad no diket tapno maiyadayo dagiti amin nga umili iti sakit.
Innayonna nga itultuloy da daytoy a programa gapu ta mamati a no nadalos ti aglawlaw ket napinpintas met laeng a pagnaedan.
