LAOAG CITY – Naduktalan ni Mayor James Bryan Alcid ditoy ciudad ti Laoag a mamitlo a daras a nangat-ngato ti presyo dagiti nagatgatang a para ditoy ciudad ti Laoag kabayatan ti dati nga administrasyon.
Daytoy ti inbatad ni 1st District Rep. Sandro Marcos nga isu ti dinakamat kenkuana ti Mayor.
Segun kenni Marcos, ti rason no apay a dakkel ti savings ti ciudad ket gapo ta nangat-ngato ti presyo a nailatang no ikumpara iti husto a presyo dagiti nagduduma a gatgatangen ti ciudad iti napalabas nga administrasyon.
Inlawlawag na nga adda ti pattern a makitkita da nga adda ti massive overpricing iti sumagmamano a kiddaw para iti programa ken proyekto ken iti procurement processes.
Nagyaman met ni Marcos kenni Alcid gapo ta naduktalan na daytoy kabayatan ti panagtugaw na kas Mayor ditoy ciudad.
Ummuna iti daytoy, kuna ni Alcid nga idi 100 days na kas mayor ket nadakamat na a dakkel ti savings ti ciudad ken ado dagiti nagdamag mainaig iti daytoy ken ditoy a naduktalan na daytoy a banag.
Innayon na a nangato ti presyo ti nailatang kadagiti sumagmamano a nagatang ditoy ciudad no ikumpara iti husto a presyo daytoy.
