LAOAG CITY – Natay ti maysa a lalaki a nakalugan ti motorsiklo kalpasan a nakadinnungpar na ti maysa a truck iti national highway bisinidad iti Barangay 40, Buyon iti ili ti Bacarra.
Nabigbig ti biktima a ni Jim Belmar Sagun y Galam, agtawen ti 21, baro ken residente iti Barangay Malampa iti ili ti Vintar.
Iti imbestigasyon ti Philippine National Police, agpapaamyanan ti biktima idi agovertake iti maysa a Sedan a nangitunda ti panagdinnungpar da iti maysa a truck nga inturong ni Arnold Uberita Jr. Y Oandasan, agtawen ti 28, baro ken residente iti Brgy Mabuttal East, Ballesteros, Cagayan.
Gapu iti napasamak ket nagsagaba ti sugat iti nagduduma a paset ti bagi ni Sagun kangrunaan na iti ulo na ken indeklarar ni Dr. Lester Sigabu, ti Municipal Health Officer iti ili ti Bacarra a dead on the spot ti nasao a biktima.
Naamoan a ti biktima ket awan ti suot na nga helmet idi napasamak ti insidente.
Agtultuloy ti imbestigasyon dagiti otoridad mainaig iti napasamak a desgrasya.
