LAOAG CITY – Nagdinnungpar ti maysa nga Mitsubishi L300 ken Honda click 125 iti paset ti barangay road iti Brgy. Poblacion 1 iti ili ti Pagudpud.
Ti Honda click 125 ken inmanehar ti maysa a lalaki nga agtawen ti 55 a residente ti Brgy. Poblacion 1 ken ti maysa a Mitsubishi L300 ken inmaneho ti agtawen 37 a lalaki a residente met ti Brgy Poblacion 2 iti isu met laeng nga ili.
Basar ti Ilocos Norte Police Provincial Office (INPPO), nga agpadaya ti Mitsubishi L300, idinto nga agpaabagatan met ti motorsiklo ket idito a makadanonda iti crossing ket ditoy da kellaat ti panagdinnungparda.
Nagsagaba ti sugat ti drayber ti motorsiklo ken ti lubbonna.
Insigida met a naitaray dagitoy iti Bangui District Hospital para iti naan-anay a pannakatamingda.
Kalpasan ti panagdinnungpar, pimmanaw ti driver ti L300. Kinamat dagiti maseknan nga umili ti nasao a lugan ket nakamatda daytoy iti Brgy. Poblacion 2 iti nasao nga ili.
Naamoan a nagpositibo iti arak ti drayber ti L300 bayat ti breath test daytoy.
