LAOAG CITY – Natay ti maysa a negosyante kalpasan ti napasamak a desgrasya iti Barangay Guerrero iti ili ti Dingras.
Ti biktima ket addaan ti umno nga edad ken residente iti Barangay Dancel iti nasao nga ili ken ti nakadinnungpar na ket ti izusu DMAX nga inturong ti agtawen ti 30, babai ken residente iti Barangay Juan iti ili ti Solsona.
Segun kenni Police Captain Joseph Calderon, chief of police ti PNP-Dingras, iti inisyal nga impormasyon, ti biktima a nakalugan ti kurong-kurong ket aggapo iti daya a direksyon ken agawid kuma iti Barangay Dancel ngem ditoy a nakadinungpar na ti DMAX nga agpadaya wenno agturong iti ili ti Solsona.
Inbatad na a gapo iti desgrasya ket naipurwak ti driver ti kurong-kurong.
Dagus met a naitaray dagiti dua a driver iti Dingras District Hospital ngem naiyakar da iti Gov. Roque Ablan Sr. Memorial Hospital ditoy ciudad ti Laoag ngem pimmusay ti negosyante.
Mainaig iti daytoy, kunana nga agtultuloy ti panagimbestigar da iti desgrasya gapo ta awan ti nakakita iti pasamak ken ti pay laeng naalaan da ti affidavit ket ti driver ti izusu dmax.
