LAOAG CITY – Natiliw ti maysa a lalaki iti naiyuswat a gun buy bust operation iti ili ti San Nicolas.
Nabigbig daytoy a ni Nixon Tolentino alyas Padi, 41, pintor ken residente iti Barangay 11, San Fernando iti nasao nga ili.
Nakumpiskar dagiti otoridad ti dua a pidaso ti sangaribo a pisos, maysa a nangisit a pouch, caliber 38 revolver, uppat a pidaso ti cartridge case para iti caliber 38, ken 136 a pisos.
Mainaig iti daytoy, kuna ni Tolentino nga inimbitaran isuna ti PNP tapno adda ti pirmaan na seknan iti maipagarop a panagtakaw na ti hotdog ken ice cream.
Nupay kasta, kunana nga inpan ti PNP isuna iti Barangay 1 ken ditoy a maipagarop a pinosasan da daytoy.
Inpetteng na a mapan kuma iti Municipyo tapno alaen na ti voter’s ID na gapo ta agpa-ikkat ti dara a kasapulan ti pagayam na.
Naiget met a naglikudan na a kukua na ti paltog ken bala ken awan ti nakainanaigan na pasamak maipanggep iti paltog.
