LAOAG CITY – Kalikagum ti Kamara nga irekomendar a maaddaan ti maysa a tawen a pannakasuspenso ti panagbayad ti premium payments iti PhilHealth.
Segun ken ni House Speaker Martin Romualdez, maysa nga imbestigasion ti iwayat ti Kamara maipanggep iti fund management ti PhilHealth inton sumaruno a tawen ken kageddan daytoy ket ti panangbirok ti solusion no kasano a mapalag-an ti panagbayad ti premium dagiti miembro.
Naammoan a ti PhilHealth ket naikkan ti zero subsidy iti babaen ti 2025 budget gapu ta maibasar nga addaan daytoy ti P600 bilyon a surplus wenno sobrang a pundo a nasken pay laeng nga usaren.
